(இத்திருச்சடங்கைத் திவ்விய நற்கருணை வழிபாட்டுக்கு முன் வைத்துக்கொள்வது சிறந்ததாகும். உடனே திவ்விய நற்கருணை ஸ்தாபகம் தொடர்ந்து, வழக்கப்படி ஆசீர்வாதம் வழங்கலாம்.)
குரு: ஆண்டவர் பெயராலே நமக்கு உதவி உண்டு.
எல்: விண்ணையும் மண்ணையும் படைத்தவர் அவரே.
குரு: ஆண்டவர் உங்களோடு இருப்பாராக.
எல்: உம்மோடும் இருப்பாராக.
குரு: மன்றாடுவோமாக:
எல்லாம் வல்ல இறைவா, உம் திருமகனும் எங்கள் ஆண்டவருமாகிய இயேசு கிறிஸ்துவின் திருவுடலைத் தாங்கி, விசுவாசிகளின் ஆராதனைக்காக வைக்கப்பட இப்பாத்திரம் உருவாக்கப்பட்டுள்ளது. இதனை ✠ ஆசீர்வதித்துப் புனிதப்படுத்தியருளும். இதன் வழியாக உம் திருமகனை இவ்வுலகில் பக்திப் பற்றுதலோடு வழிபடுவோர் அனைவரும் மறு உலகில் முடிவில்லாப் பேறுபலனைப் பெறவேண்டும் என அவர் வழியாக உம்மை மன்றாடுகிறோம்.
எல்: ஆமென்.
(குரு தீர்த்தம் தெளிக்கிறார்.)