♫ பாடலைக் கேட்க / பதிவிறக்கம் செய்ய... ⇩♪
ஆனந்த மலர்கள் அழகாகச் சேர்த்து
அகம் நிறை மகிழ்வை அகலாக ஏற்றி
அருள் வாழ்வின் தேடலை தூபமாய் மாற்றி
அன்பாகத் தந்தோம் என் நேசத் தந்தாய்
அர்ப்பணத்தின் அஞ்சலி அன்புடனே எம்பலி -2
1. நட்பு எனும் பூச்சூடி நெஞ்சங்கள் ஒன்றித்து
அப்பத்தின் வடிவத்தில் அன்புடன் எமைத் தந்தோம் (2)
உம் பாசப் பலியில் பகையெல்லாம் மறைய
வெளிவேடம் கலைந்து நிஜவாழ்வு மலர
மலர்ப்பாதம் படைத்தோம் அடையாள வடிவில்
அர்ப்பணத்தின் அஞ்சலி அன்புடனே எம்பலி -2
2. தியாகமதை மனம்தேக்கி நேசத்தில் நிதம் நிலைத்து
திராட்சையின் வடிவத்தில் நிறைவுடன் எமைத் தந்தோம் (2)
இனிவாழும் வாழ்வின் பொழுதெல்லாம் உமதாய்
இதயத்தின் சுவாசம் இறையாட்சிப் பணிக்காய்
அருள்வேண்டி வந்தோம் வாழ்வாகும் பலியில்
அர்ப்பணத்தின் அஞ்சலி அன்புடனே எம்பலி -2