♫ பாடலைக் கேட்க / பதிவிறக்கம் செய்ய... ⇩♪
தேவா உந்தன் பலியாக என்னைத் தந்தேன்
என்றும் எந்தன் பணிவாழ்வை ஏற்றிடுவாய் (2)
1. அன்பொன்றே தினம் தேடி அலைகின்ற
நெஞ்சங்கள் வீதியில் ஆயிரமே
அரவணைக்கும் கரம்தேடி ஆர்வமுடன்
காத்திருக்கும் மனிதர்கள் கூட்டம் இங்கே (2)
அன்போடு நான் வாழுவேன் - சிந்தும்
கண்ணீரை நான் மாற்றுவேன் (2)
நல்லன்பைத் தேடும் புவி மாந்தர் வாழ
என் வாழ்வைப் பலியாக்குவேன் - 2
2. விடியாத பொழுதென்று வீங்கிடும் விழியோடு
ஏங்கிடும் மாந்தர் இங்கே
முடியாது என்றெண்ணி முகம் சோர்ந்துபோகும்
பரிதாப வாழ்க்கை இங்கே (2)
தேவா நான் சுடராகுவேன் - எங்கும்
நம்பிக்கை ஒளியேற்றுவேன் (2)
போராடும் நெஞ்சில் போராட்டம் ஏற்க
என் வாழ்வைப் பலியாக்குவேன் - 2