ஆவியிலே புதுமை அடைவோம் - அருள்
ஆழியிலே மூழ்கிக் களிப்போம்
இயேசுவுக்கு சான்று பகர்வோம் - அவர்
சாட்சிகளாய் வாழ்வை அமைப்போம்
1. அன்பு என்னும் ஆடையணிவோம் - நல்ல
ஆனந்த அமைதி அடைவோம்
ஆதி சபை வாழ்க்கையினை ஆண்டவரின் ஆவியிலே
வீதியெங்கும் கண்டு களிப்போம்
2. வேதனையாம் அலைகள் ஓங்கலாம் - பெரும்
சோதனையாம் புயலும் வீசலாம்
இறைவன் நம்மைக் காக்கின்றார்
இன்பமுற அழைக்கின்றார்
நிறைவாழ்வு இன்று அடைவோம்
3. பிரிவினையாம் நோய்கள் தீரும் - இனி
குறுகிய நம் பார்வை மாறும்
இறையரசின் கொடைகளையும்
புனித அருங்குறிகளையும்
இல்லங்கள் கண்டு மகிழும்