உன்னத தேவனவர் நம்மைப் படைத்தவர்
ஆள்பவர் ஆண்டவர் அவரே (2) உன்னத தேவனவர்
1. காலையும் மாலையும் கடவுளின் மேன்மையைப்
பாடுதல் நல்லதுவே (2)
கனிவுடன் பாடலில் வீணையும் - 2 மீட்டிட பாடுதல் நல்லதுவே
2. ஆண்டவர் மாபெரும் செயல்கள் அனைத்தும்
அறிவிலி அறிவதில்லை (2)
பாவிகள் செழிப்புடன் வாழ்ந்திருந்தாலும் -2
பாவங்கள் அவர்களை விடுவதில்லை
3. மகிழ்வுறும் செய்தியை என் மனம் குளிர
இறைவன் எனக்களித்தார் (2)
மாமரம் கேதுரு போலவே வளர்ந்து -2
நீதியில் வாழ்ந்திடச் செய்கின்றார்