அன்போடு வந்தோம் காணிக்கை தந்தோம் ***

அன்போடு வந்தோம் காணிக்கை தந்தோம்

கனிவோடு ஏற்பாய் ஆண்டவனே - உம்

பலியோடு சேர்ப்பாய் தூயவனே

1. பொன்னான வாழ்வைப் புடமிட்டு வைத்தோம்

பூவாக மணம் வீச வைத்தோம் ஆ

புதிரான வாழ்வே எதிரானதாலே

பொலிவாகச் செய்வாய் ஆண்டவனே - உம்

அருளோடு அணைப்பாய் மாபரனே

2. அருளான வாழ்வு இருளானதாலே

திரியாக எமை ஏற்றி வைத்தோம்

திரியாகக் கருகி மெழுகாக உருகி

பலியாக வைத்தோம் ஆண்டவனே - புது

ஒளியாக மாற்றும் தூயவனே